Bara stelpa

Viagra, sá sem getur sett textann í samhengi fær verðlaun

2009-02-14T16:01:00.001Z

Improve your love life with generic Viagra
Click HERE

As it rolled and roared, and raged among the dreadful davidson
doubtless denied this, but lord cronshaw very pale and worn,
in spite of an occasional he even felt acute anxiety lest
the bleak house at it, declined to climb any more. He said
he.

....ég fæ svona e-mail ca 3svar á dag. Þau eru samt venjulega lengri........

Tannlæknir

2008-12-16T18:07:00.006Z

Ég fór til tannlæknis í gær í þriðja sinn á stuttum tíma. Ég ofnotaði tannþráð í 10.bekk og hætti svo allt í einu að nota hann. Afleiðingin af því var að ég fékk þrjár skemmdir á milli tannanna. Ég þurfti að vera rúmliggjandi eftir öll skiptin með höfuðverk og mikinn tannverk þegar deyfingin var farin.

Hvernig ætli ég verði eftir að hann tekur alla endajaxlana úr mér í einu í janúar?

Ákvörðun

2008-11-19T12:41:00.003Z

Hvora myndina ætti ég að hengja upp ?

5 vikur og 3 dagar

2008-11-16T14:31:00.007Z

Í dag eru 5 vikur og 3 dagar til jóla og ég er orðin ofurspennt. Ég var búin að ákveða að skreyta allt síðustu helgina í nóvember sem er einnig fyrsta aðventuhelgin en hún er eftir 2 vikur! Veit ekki hvort að ég geti beðið svo lengi. Ég er búin að ákveða flestar jólagjafirnar og er búin að kaupa stóran hluta af þeim :)

Annars er ég búin að standa í smá framkvæmdum undanfarið, er komin með hillu inn í svefnherbergi, ég er búin að mála viðinn í eldhúsinnréttingunni og kryddhilluna svo það er orðið rosa fínt hjá mér.

Það var Kringlumýrar-dagur í gær og Glaðheimar og allt unglingastarfið fóru í Paint Ball. Ég kláraði allar kúlurnar mínar í fyrsta leik og kláraði annan skammtinn ekki löngu seinna. En einn ónefndur aðili skaut Mýu af minna en 5 metra færi þó svo að hann þræti fyrir það og ég fékk að skjóta hann af 5 metra færi beint í rassinn! Það var ábyggilega eitt það skemmtilegasta sem ég hef gert :) Um kvöldið var svo hittingur í Vodafone höllinni þar sem ég skemmti mér mjög vel. Við dönsuðum eins og enginn væri morgundagurinn. Myndir og video verða komnar á facebook innan skamms. Annars eru líka komnar nýjar myndir þangað, sem er reyndar ekki alveg rétt, þar sem þetta eru gamlar myndir. Allar síðan 2004, svolítið fyndið að skoða þetta aftur eftir langan tíma. Ég var meiri skinka en mig minnti! Svo eru líka nokkrar fáklæddar myndir, eingöngu fyrir Írisi frænku ;)Ég nývöknuð daginn eftir 16 ára afmælið

Í skíðaferðalaginu í mars í 10.bekk

-Tinna out

Skinka

2008-10-29T19:50:00.005Z

Var að róta í gömlu dóti hérna heima (mér leiðist alltaf svo svakalega þegar ég er lasin!) og fann fullt af eldgömlum myndum, alveg síðan í 8.bekk. Ekkert smá gaman að finna svona aftur, en ég sá samt eitt sem Íris frænka benti mér reyndar á um daginn....ég var algjör skinka! (skv. skilgreiningunni á henni í dag). Þegar ég var í grunnskóla þá var skinka ógeðsleg og sveitt stelpa sem var yfirleitt í skítugum fötum og var sama hvernig hún lyktaði og var líka sama hvort að hún burstaði tennurnar eða ekki. Í dag er skinka stelpa sem málar sig frekar mikið, gengur mikið í hvítum buxum helst of þröngum og of lágum, spreyjar miklu ilmspreyi á sig, er með tanorexíu og tekur mikið af myndum af sjálfri sér. Ég var alltaf frekar tönuð í grunnskóla og málaði mig á hverjum degi og ég tók greinilega mikið af myndum af sjálfri mér ef marka má það sem ég fann í dag. Ég fann líka ca 10 óframkallaðar filmur sem ég get varla beðið eftir að framkalla!

Á leiðinni á lokaballið í 10.bekkÍ einhverri skólaferð með Sindra

Svo fann ég líka miða síðan í lífsleikni í 1.bekk þar sem allir áttu að skrifa hvað þeim fannst um alla hina. Þetta er það sem ég fann af mínum:
Davíð Tómas: Skemmtileg og fyndin.
Rebekka B.G.: Frábær, mjög skemmtileg og ljúf. Og mjög hreinskilin sem er gott :)
Sonja: Geggjað fín stelpa, mjög hress :)
Sólveig: Stórfurðuleg á góðan hátt, dugleg, skemmtileg og stendur föst á skoðunum sínum. Hress og góð :)
Harpa: Mjög hress og skemmtileg stelpa sem hefur fínar skoðanir á hlutunum.
Marta Silfá: Þú ert algjört æði, mjög góð og traust manneskja :)
Katrín: Sæt og skemmtileg gella. Rock on! :)
Solveig Rut: Æðisleg!! Ótrúlega hress og frábær :)
Saga: Sæt, skemmtileg, ákveðin og brosmild.
Unnur: Hress og frábær stelpa.
Binni: Mögnuð á trommunum og þægilegt að tala við hana.
Magga: Alveg frábær stelpa - gaman að djamma með þér.
Íris: SIGRÍÐUR. Þú ert yndi og æðisleg litla frænka. Takk fyrir allar baðferðirnar í gamla daga :)
Baldvin: Góð leikkona.
Þór: Dugleg stelpa og hugrökk.
Ingibjörg: Fyndin og góð leikkona.

Samkvæmt þessu er ég skemmtileg, hress, góð leikkona og stend augljóslega föst á skoðunum mínum!
Sakna þess pínu að vera í MS, svolítið ljúfsárt útaf ég er líka svo glöð að vera búin með þetta.

Ætla að reyna að skanna þessar myndir bráðum svo að ég geti deilt þessu með ykkur.

Skinka out

Minning

2008-09-23T19:59:00.006Z

Yndisleg stelpa hefur verið tekin frá okkur í blóma lífsins. Ég get ekki skilið hvað þeim stóð til sem hrifsuðu hana í burtu. Hún var ein yndislegasta manneskja sem ég hafði kynnst. Ég veit að fólk segir þetta oft um þá sem eru fallnir frá til að skapa góða minningu en ég þarf alls ekkert að búa neitt til, ég segi bara það sama og mér þótti þegar hún var á lífi. Mér þótti alltaf gleðiefni þegar mamma fór til Laugu og Hrafnhildur var hjá henni, ég fann mér alltaf afsökun til að koma að hitta mömmu og Laugu, ég var kannski bara fyrir tilviljun í hverfinu eða eitthvað slíkt. Það sama var þegar Hanna Stella og Líney Mist voru hjá henni, þær systurnar þykja mér yndislegar. Ég mun minnast Hrafnhildar af hlýjunni og góðmennskunni sem einkenndi hana og ég mun ávallt minnast þess litla tíma sem ég fékk að eyða með henni. Hvíldu í friði elsku Hrafnhildur Lilja, ég mun sakna þín.

Vantar þig vinnu?

2008-09-03T09:26:00.001Z

Sælir sambloggarar og aðrir merkilegir

Nú er haustið að koma og innan skamms verða laufin og grasið farin að taka litum og sýna okkur litagleðina sem einkennir haustið. En ég er með æðislegar fréttir. Eins og var löngu ákveðið þá hef ég tekið mér smá hlé frá skóla en ég útskrifaðist sem stúdent úr Menntaskólanum við Sund í vor og held að ég sé ekki tilbúin í frekara nám strax. Og þá hófst hin svakalega leit tvítugu stelpunnar að 100% vinnu fyrir veturinn. Eftir margar umsóknir, viðtöl og það sem virtist vera endalaus leit á netinu að lausum störfum sótti ég um "drauma" starfið og viti menn, ég fékk stöðuna! Ég er núna aðstoðarmaður verkefnastjóra á frístundaheimilinu Glaðheimar. Skrifstofuvinna fyrir hádegi og leika við börnin eftir hádegi. Ég ber meiri ábyrgð og er staðgengill verkefnastjóra þegar hún er ekki á staðnum.

En nú er svo að starfsmenn á frístundaheimilum (að verkefnastjórum og aðstoðarmönnum undanskildum) geta eingöngu fengið 54% vinnu en það er frá 13-17 mánudaga til föstudaga og svo til 17:30 einn dag í viku. Launin eru betri en á mörgum öðrum stöðum og þessi vinna hentar einkar vel með skóla, t.d. er hægt að vera 3 daga í viku eða bara hægt að koma og segja hvenær þið getið unnið og við gætum samið um vinnutíma. Eins og er þá er mannekla á hverju einasta frístundaheimili innan ÍTR svo að ef ykkur vantar vinnu eða ef þið þekkið einhvern sem vantar vinnu endilega látið mig vita. Síminn minn er 661-2703 og netfangið er tinnaheimis@internet.is. Þetta er rosalega skemmtileg vinna en dagurinn ykkar gæti m.a. falist í að perla, lita, róla, skera ávexti, syngja, spila, fara í koddaslag og ég gæti haldið endalaust áfram.

Svo má heldur ekki gleyma hvað ÍTR er awesome vinnustaður! Til dæmis í nóvember eru Tvenndaleikarnir og keppa þá frístundamiðstöðvar (í hverri frístundamiðstöð eru nokkur frístundaheimili og félagsmiðstöðvar) um veglegan bikar og montréttinn út næsta árið. Þá er líka alltaf eitthvað skemmtilegt að gerast á vegum ÍTR og öll skyldunámskeiðin sem þið eruð skikkuð til að fara á (sem eru borguð í yfirvinnu og það er alltaf kvöldmatur eða snarl í boði) vega rosalega mikið fyrir ykkur í framtíðinni. Ég er t.d. búin að fylla ferilskrána mína af námskeiðum sem ég er búin að fara á hjá ÍTR og fólki finnst það rosalega merkilegt þegar ég sæki um starf. En núna hlýt ég að vera búin að selja einhverjum þetta starf! Hafið samband við mig fólk :) Og enn einu sinni, síminn er 661-2703 og netfangið tinnaheimis@internet.is

Kv. Bara Tinna aðstoðarmaður í Glaðheimum

Ég á engin orð

2008-05-26T12:13:00.000Z

Meistarar

2008-05-22T11:41:00.004Z

Manchester United eru Englandsmeistarar '07-'08.

Í gær unnu þeir einnig Meistaradeild Evrópu í ÆSISPENNANDI vítaspyrnukeppni, ég titraði og táraðist af stressi. Við hlið mér voru þrír Liverpoolmenn og einn Arsenal. Þeir gerðu í því að bögga mig! En að lokum stóð betra liðið uppi sem sigurvegari! Það er alveg rétt að Chelsea áttu seinni hálfleikinn, en hann var samt svo mikið dauðari en sá fyrri. Veit ekki alveg hvað gerðist þarna. En á heildina litið voru United betri. Og já, Drogba: Maður SLÆR EKKI Vidic!! Hálfviti.........

:(

2008-04-30T10:51:00.002Z

Ég er ekki að fara að flytja í júní...........

......maðurinn sem ætlaði að kaupa okkar íbúð fékk ekki lán svo að kauptilboðin falla úr gildi......

:(:(:(

Dimmition

2008-04-24T17:28:00.005Z

Ég dimmiteraði í gær. Þetta var án efa einn besti dagur lífs míns.
Við hófum drykkjuna um hálf níu heima hjá Þór og þá var sko skálað í boðinu!

Við borðuðum morgunmat og hringdum í Rebekku fyrrum bekkjarsystur okkar og vöktum hana með ljúfum söng. Klukkan ellefu var svo lagt í hann og lá leiðin beint upp í skóla. Þar gengum við inn í garð við fagran söng The Fast Food Song, enda vorum við í McDonalds búningum; shake-ar, franskar og ég var ein af þeim sem var í BigMac búning.

Í garðinum var svo tekið vel á móti okkur með pulsum og gosi (ekki sjens að ég gæti borðað á stundu sem þessari!) og ég nýtti gosið til að hella yfir krakkana. Það var misvel tekið í það.
Eftir garðfjörið fengum ég og Íris far niður í bæ (með hverjum???) og biðum eftir hinum á Hlemmi. Þau komu svo eftir smátíma og við gengum Laugaveginn. Við hittum Lalla vin okkar og skruppum á klósettið inni á Kofanum. Svo kom "aðalskemmtun" dagsins. Ég var á leiðinni yfir lækjargötu og um leið og ég náði á gangstéttina féll ég líka svona svakalega beint á jörðina. Sem betur fer var ég svo vel dúðuð innanundir búningnum að ég slasaðist ekkert í andlitinu! Ég meiddi mig ekkert þá en þegar ég vaknaði seinna um daginn var útlitið blátt. Eða það er að segja fóturinn minn var blár. Ég bólgnaði öll á sköflungnum öðru megin fékk rispur og marbletti, eitt sár sem blæddi úr og einn skurð. En ég lét það sko ekki aftra mér við skemmtunina! Við stoppuðum í ríkinu í Austurstræti og keyptum birgðir og svo hélt fjörið áfram á Ingólfstorgi.

Mamma hennar Möggu skutlaði mér svo heim og þar fór ég beint upp í rúm og steinsvaf í góða tvo klukkutíma. Þegar ég vaknaði leið mér ekkert sérstaklega vel. Fæturnir litu ekki vel út og ég var ennþá frekar drukkin en á sama tíma var ég þunn! Tilfinning sem ég vonast til að finna aldrei aftur. Og af því tilefni fékk ég mér strax bjór og annan! Ég skellti mér í sturtu og leið betur eftir það. Ég fór í fínu fötin og fór í fyrirpartý til Sonju. Þar voru svo fleiri bjórar opnaðir og við vorum mætt upp í skóla klukkan sjö. Þar biðu okkar rútur sem fóru með okkur í Básinn sem er rétt hjá Ölfusi fyrir austan. Þar fengum við æðislegan mat og það var rosalega gaman að kveðja kennarana á þennan hátt og ég skemmti mér konunglega. Klukkan hálf eitt lögðum við loksins af stað heim og var það mjög kærkomið enda vorum við búin að vera á fótum og drekkandi í sextán klukkutíma.

Í gær fékk ég líka tvær mjög góðar fréttir. Valdi var ráðinn í fyrra sem umsjónarmaður á frístundaheimilinu sem hann hefur unnið á í nokkur ár, en þá var hann bara ráðinn til eins árs. Hann fékk hins vegar þær fréttir í gær að hann fékk fastráðningu sem er algjör draumur.
Hin fréttin er ekki af verri endanum. Fyrir þá sem ekki vita erum við búin að selja íbúðina okkar og í hádeginu í gær fengum við þær fréttir að við hefðum fengið íbúðina sem okkur langaði svo í. Þriggja herbergja íbúð á Rauðarárstíg :D Við fáum hana afhenta 6.júní og getum ekki beðið!

Ef þið viljið sjá fleiri myndir úr dimmiteringunni þá eru þær á MySpaceinu mínu.

Strumpur

2008-04-10T20:18:00.001Z

hmm.....

Söngleikurinn Stjörnustríð

2008-03-31T01:01:00.004Z

Jæja gott fólk. Þá er tveim sýningum Söngleiksins Stjörnustríð lokið og var uppselt á báðar sýningar! (Að vísu seldust 17 miðum of mikið á frumsýninguna en það reddaðist). Umsagnirnar sem við höfum fengið eru vægast sagt góðar og búist er við að við þurfum að hafa nokkrar aukasýningar vegna mikillar aðsóknar. Ef ÞÚ vilt koma á sýninguna (ég mana þig og ef þú kemur ekki þá ertu beiler) þá geturðu keypt miða á Miði.is eða í miðasölu Austurbæjar í síma 551-4700. Ef þið viljið vita sýningartíma eða skemmtilegan fróðleik um leikritið endilega kíkið á Stjörnustríð.Com

Kv. Muff Tarkin

Leigubíll

2008-03-17T14:01:00.005Z

Helgin mín í hnotskurn:

*Tinna: Djö það svarar ekki í 5610000.....ég hringi bara í Hreyfil!

*Síminn: duuuuuuud........Góða kvöldið lkdjfæ........

*Tinna: Uuu já góða kvöldið, mig vantar stóran bíl í Brúnaland 28

*Síminn: ...dfgl.....fgjgl......pmel.....

*Tinna: Uuu, ég heyri sko eiginlega ekki neitt það eru svo mikil læti hjá mér, en mig vantar stóran bíl að Brúnalandi 28, eða bara tvo litla bíla

*Síminn: klsls....pwl skw......pdjrl!!

*Tinna: Ok, bara tvo litla bíla þá að Brúnalandi 28!

*Síminn: ÞETTA ER Á DOMINOS PIZZA!!!

*Tinna: Óóóó.....

Episode IV

2008-02-26T22:02:00.001Z

Þetta gæti bara verið eitt það sætasta sem ég hef séð!

Í den........

2008-02-20T19:46:00.000Z

Þegar ég var lítil hlustaði ég á Ladda plötuna hans pabba, B hliðin var betri

Í dag eiga flestir krakkar Ipod

Þegar ég var lítil keypti mamma handa mér rokklinga-geisladiskinn og spóluna

Í dag downloada allir tónlist af netinu og horfa á DVD

Þegar ég var lítil lét ég taka upp bíómyndir og þætti fyrir mig á spólu

Í dag downloada allir öllu af netinu

Þegar ég var lítil var ég alltaf í Spice Girls bolum og stretch buxum

Í dag eru allir í Levi’s og Diesel

Þegar ég var lítil horfði ég alltaf á Cartoon Network

Í dag horfa allir á 100 mismunandi stöðvar á fjölvarpinu

Þegar ég var lítil fór ég út á videoleigu með pabba

Í dag panta allir sér mynd á Skjánum eða downloada enn einu sinni á netinu

Þegar ég var lítil las ég margar bækur

Í dag lesa allir blogg

Þegar ég var lítil bökuðum ég og mamma oft pizzu saman

Í dag pantar fólk sér pizzu af netinu

Ég sakna þess að vera lítil.....................

Líkir?

2008-02-03T14:56:00.000Z

Ég er nú ekki vön að pósta tvíförum hérna inná en ég tók eftir þessu þegar ég sá auglýsingu fyrir Boston Legal í sjónvarpinu eitthvert kvöldið

Til vinstri má sjá Christian Clemenson sem leikur Jerry í Boston Legal og við hlið hans er okkar kæri forseti Ólafur Ragnar Grímsson. Líkir? Dæmið þið um það!

Bold and the Beautiful

2008-01-26T17:09:00.000Z

Ég fékk áskrift að Stöð2 að nýju í gær og að því tilefni horfði ég að sjálfsögðu á Bold and the Beautiful, sem ég tel vera bestu sápuóperu frá upphafi sápuóperanna! Að því tilefni ætla ég að leyfa ykkur sem ekki fáið að njóta þessarar sápuóperu vegna stöðvartvö-leysi að komast aðeins inn í fléttuna! NJÓTIÐ!

* Brooke Logan var upphaflega gift Ridge Forrester en hélt svo framhjá honum með Eric Forrester, “pabba” Ridge, og giftist honum. Saman eignuðust þau tvö börn, Rick og Bridget sem bæði voru talin börn Ridge í áraraðir. Brooke og Eric skildu og í kjölfarið byrjaði hún með Thorne, bróður Ridge. Babb kom í bátinn og þau skildu. Stuttu seinna eignaðist hún barn með Deacon sem var þáverandi eiginmaður Bridget Forrester, dóttur hennar sem hún eignaðist með pabba Ridge í framhjáhaldinu. Það gekk ekki upp og þá byrjaði hún aftur með Ridge og þau eignuðust tvö börn saman. Þegar látin eiginkona Ridge, Taylor, sneri aftur slitu Brooke og Ridge samvistum og Ridge tók aftur saman við Taylor í stuttan tíma. Ridge reynir nú eins og hann getur að fá Brooke til sín aftur en nú vill hún ekkert með hann hafa. Nú er hún unnusta Dominicks (Nick) Marone, sem er sonur Massimo og því hálfbróðir Ridge Forrester og vill Massimo að Brooke og Ridge séu saman, en ekki Brooke og Nick eins og staðan er núna.

*Jackie Marone hefur verið handtekin fyrir peningaþvott og fjársvik og situr fangageymslur meðan hún bíður þess að réttarhöld hennar hefjist. Nick, sonur hennar og Massimo Marone, kemur að Megan, starfsmanni hjá Forrester Creations, á skrifstofu móður sinnar og vekur það upp grunsemdir hjá honum um að hún sé eitthvað viðriðin málið. Brooke Logan, unnusta Nicks, ásakar Massimo um að hafa komið fyrrverandi konu sinni í þessa klípu. Í ljós kemur að Megan og Massimo eru ástfangin og hafa þau saman falsað skjölin gegn Jackie til að ná sér niðri á Nick sem myndi gera hvað sem er fyrir móður sína. Massimo vill að Brooke fari frá Nick og byrji aftur með Ridge.

*Ridge gerir allt sem í hans valdi stendur til að reyna að ná Brooke til sín á ný. Hann fær pabba Brooke, Stephen Logan, til að koma til þeirra frá París og hjálpa honum að sannfæra Brooke um að vera með Ridge. Brooke getur ekki litið við föður sínum vegna þess að hann yfirgaf fjölskyldu hennar þegar hún var lítil. Hann reynir að sættast við hana en hún vill það ekki. Hann heldur rosa flotta ræðu og þau fallast grátandi í faðma.

*Jackie segir Nick að Massimo hafi reynt að múta henni til þess að hjálpa honum að koma upp á milli hans og Brooke. Nick biður föður sinn að svara fyrir það og það endar í hótunum. Megan fer að fá bakþanka um að hafa hjálpað Massimo og vill hætta hjá Forrester Creations því hún getur ekki lengur þóst vera þeim jafn trú og hún hafði alltaf verið.

*Felicia Forrester, ein af tveim týndum systrum fjölskyldunnar, snýr heim ásamt ársgömlum syni sínum til þess að færa fjölskyldu sinni þær fregnir að hún sé dauðvona vegna krabbameins. Hún biður hálfsystur sína Bridget (Eric Forrester er pabbi þeirra beggja) um að ættleiða son sinn stuttu áður en hún deyr. Eftir að hafa náð tilfinningaböndum við drenginn nær Felicia skjótum bata og getur annast son sinn sjálf. Bridget og Felicia ákveða í sameiningu að vera báðar saman mömmur Dino litla.

ÉG ELSKA DRAMATÍKINA Í ÞESSUM ÞÁTTUM! .........og ég er nokkuð viss um að ég sé eitthvað sjúk :S

Grunnskólinn

2008-01-20T22:22:00.000Z

Þó svo að ég hafi verið guðs lifandi fegin að vera laus við hann alveg síðan ég útskrifaðist úr honum þá er ég ekki frá því að ég sakni svolítið gamla grunnskólans míns, Breiðholtsskóla. Gömlu góðu kennararnir eins og Anna Fanney, Helga Hitler, Bjössi, Þórir leikfimiskennari, Helga myndmenntakennari, Láru Ingólfs, Hildur íslenskukennari, hin yndislega Helene Baatz, Sigurjónu, Arndísi og svo má ekki gleyma fólki eins og Ragga og Önnu Siggu aðstoðar- og skólastjóra, Magga deildarstjóra, Tollu gangaverði, Önnu baðverði, Óla feita og Arnþrúði á bókasafninu og Guðjóni tónmenntakennara sem allir voru skííííthræddir við. Nostalgían hríslast um mig alla við að rifja þetta allt upp.
Svo man ég líka alltaf eftir svo sérstökum hlutum. Skeiðinni sem Arndís kom með í skólann til þess að berja í kennaraborðið ef við vorum með læti, DJ-búrið góða sem var klárlega besti chill-staðurinn, svínafóstrin sem flutu í krukku fullri af formalíni inni á bókasafni ásamt uppstoppaðri tófu, kópi og krókódílaunga, hringborðið undir stiganum þar sem við fórum alltaf í laumu, hláturinn hans Óla feita sérstaklega eftir að hafa sagt okkur söguna um Flying Tigers, handboltavökunni, ferðinni á Skóga, skíðaferðalögunum og þá sérstaklega því síðasta þegar það var enginn snjór og við héngum inni allan tímann og horfðum á Death becomes her og Set it off og Kolbrún gerði fastar fléttur í alla og ég plokkaði augabrúnirnar á öllum og Doddi gleymdi töskunni sinni uppi í skóla og svaf undir sænginni minni eingöngu á nærunum! Gooooooooood tiiiiiimes!! Og svo gleymi ég því aldrei þegar ég, Dísa og Hildur vorum ritstjórar skólablaðsins og hugmyndakassanum var stolið. Ég var einmitt að youtube-ast eitthvað áðan og fann heimildarmyndina sem var gerð um þjófnaðinn og hún er algjör snilld! Ég setti hana hérna fyrir neðan en ef þið sjáið hana ekki klikkið þá hér! Njótið :)

Nýtt

2008-01-07T11:59:00.000Z

Nýtt ár. Nýjar væntingar. Nýjar lexíur. Nýtt fólk. Nýjar minningar.

Nú er svo sannarlega komið nýtt ár, skólinn og vinnan byrjuð enn á ný og eru strax komin á fullt skrið. Lokaönnin mín í menntaskóla fer allt annað en rólega af stað og strax er alveg vitlaust að gera. Leiklistaræfingar byrja einnig í kvöld en leikritið verður frumsýnt eftir rúmlega mánuð og ég hef ekki enn fengið að sjá handrit svo að það verða væntanlega stífar æfingar út þennan mánuð.

Föðurfjölskylda Valda er búin að byggja bústað á Klaustri sem er loksins tilbúinn og við erum að hugsa um að skella okkur í fjölskylduferð næstu helgi. Það væri alveg kærkomið og yndislegt og ég myndi nota tímann til að reyna að þýða svolítið í kjörsviðsverkefninu mínu sem ég ætla að reyna að klára í þessum mánuði. Eins og sjá má á færslunni minni er ég frekar upptekin þennan mánuðinn. Og ekki nóg með það heldur er ég líka búin að bæta við mig meiri vinnu. Finnst viðeigandi að setja orðið „shit“ fyrir aftan þessa málsgrein.

Einmitt á því augnabliki sem þetta er skrifað er bróðir minn á leiðinni norður á Sauðárkrók en í heila viku ætla hann og maður að nafni Raúl González að skipta um hlutverk. Raúl er grunnskólakennari á Sauðárkróki og ætlar hann að koma til Reykjavíkur og lifa lífinu eins og bróðir minn lifir því daglega og öfugt. Ég hlakka rosalega til að hitta Raúl og þið getið lesið færsluna um komu hans hér.

Meira hef ég ekki að segja í bili. Í næsta bloggi ætla ég enn og aftur að rifja upp árið 2007 sem nú er liðið. Ég veit að þið bíðið spennt og iðið í sætunum ykkar.

Kv. Tinnan

PS. Ég hef fengið einhverjar kvartanir um að fólk geti ekki kommentað því að maður verði að vera skráður á blogspot.com til þess, en þið klikkið bara á comments og farið svo í "Other" eða "Anonymus" :)

Annáll

2007-12-31T02:48:00.000Z

Jæja, er þá ekki komið að þessu árlega, annállinn.

Janúar: Árið byrjaði með leiðinda kvefi og öllu tilheyrandi. 15.janúar lenti Valdi í bílslysi og var það annað tjónið á blessuðu Kiu-nni okkar gömlu. Annars var ekkert meira merkilegt sem að gerðist þennan mánuðinn.

Febrúar: Árshátíð SMS var haldin með pompi og prakt á Gullhömrum. Leiksýningar hófust á leikriti Thalíu og ég mætti og sminkaði af mikilli lyst. Fyllerí voru mörg og gubbupestin náði mér á sín völd í um það bil viku.

Mars: Ný eldavél, pókersigrar hver á eftir öðrum, Laddi 6-tugur. Bústaðarferð með bekknum sem gekk satt best að segja misvel. Kosningavika SMS gekk með glæsibrag og frábært fólk var kosið í embætti. Önnur bústaðarferð var svo undir lok mánaðarins ásamt Valda, Kristleifi, Gunnari Erni, Aroni, Snorra, Hlyni, Jóa og Sirrý þar sem hin síðastnefnda tilkynnti í heita pottinum að nú væri hún ófrísk að sínu öðru barni með Jóa.

Apríl: Yndislegt páskafrí þar sem ég og Valdi fluttum í Rauðagerðið í tvær vikur meðan Esther og Gaui fóru í sína árlegu ferð til Kúbu að veiða. Ferð með mörgum góðum á söngvakeppnina á Akureyri þar sem við gistum í bústað. Ég klessti bílinn okkar Valda í drasl og ég keypti Opel Corsu árg. 2003. Hildur vinkona mín eignaðist yndislega litla stelpu 30.apríl.

Nýji bíllinn

Maí: Prófin áttu mig fyrri helming þessa mánaðar. Við tók svo bara vinna og meiri vinna og ég byrjaði hjá póstinum í lok mánaðarins.

Júní: Hildur lét skíra dóttur sína Andreu Björk í upphafi mánaðar. Ég eignaðist litla frænku 11.júní sem heitir Ynja Dögg. Skrapp á ball á Flúðum með Sonju, Írisi, Láru og Hrönn. Útilegusumarið var formlega hafið með útilegu á Klaustur með Andra og Hrönn í eina nótt. Einnig fórum ég, Valdi, Kristleifur og Finnbogi í Þórsmörk og hittum þar Eyrúnu, Jonna, Hildi, Jóhönnu, Rakel og Fanney og við tjöldum saman. Það var geeeeggjuð helgi :D

Júlí: Ég varð 19 ára 9.júlí og hélt rosa flott afmæli í garðinum hjá mömmu og svo líka smá fjölskylduafmæli á sjálfan afmælisdaginn. Ég uppgötvaði Scrubs og það var ekki lengi að fréttast enda ég fékk tvær seríur frá Írisi, Eyrúnu, Thelmu Dögg og Jóni í afmælisgjöf.

Scrubs er beeeeeest

Ágúst: 4.ágúst fór ég í útskriftarferð til Rhodos og hún var geeeeeeeeggjuuuuuð!!!! Ég var reyndar bara í viku á meðan flestir voru í tvær sem var ömurlegt en ég sé samt alls ekki eftir því að hafa farið. Ég fékk mér líka tattoo síðasta kvöldið sem ég var úti, GÖH á ökklann. Ég skrapp yfir til Marmaris á Tyrklandi í einn dag og fór þá í fyrsta sinn til Asíu. Valdi gaf mér nýja tölvu því hin var eiginlega alveg búin á því. Síðasta skólaárið mitt hófst í Menntaskóla.

Nýja tattooið mitt

September: Busavikan kom og fór og ég var böðull, looooksins!! Ég hætti hjá Póstinum og byrjaði aftur í Sólbúum og var með Valda sem yfirmann, mjöög spes. Valdi minn varð 23 ára 7.september. Busaballið var enn skemmtilegra en nokkru sinni áður og það var fyrirpartý hjá mér. Danir kíktu í heimsókn til okkar í gegnum skólann og við eigum sömuleiðis eftir að fara út til þeirra. Mamma hélt upp á 45 ára afmælið sitt.

Október: Ég og Valdi áttum þriggja ára sambandsafmæli 2.október. 5.október fór ég ásamt bekknum mínum og málabraut í 3.bekk til Danmerkur í gegnum skólann. Fyrsta kvöldið fórum við á ’85 ball í skólanum hjá þeim þar sem þau seldu bjórinn á tíu danskar krónur, alllgjör snilld! Daginn eftir skoðuðum við Fredriksborg Slot sem var mjög flott. Um kvöldið fór ég svo til Sögu og stelpunnar sem hún var hjá í mat og fórum svo í partý til stelpunnar sem Sólveig og Magga voru hjá og fórum niður í bæ á bar sem heitir Hoe. Svo þriðja daginn tókum við lest til Roskilde og skoðuðum dómkirkjuna þar og norræn víkingaskip sem voru mjög flott. Fjórða daginn fórum við með krökkunum í skólann og sátum með þeim í tímum. Fimmta daginn voru skoðaðar fleiri hallir og kirkjur. Sjötta daginn skoðuðum við Kaupmannahöfn og áttum frjálsan tíma eftir það. Þar tékkaði ég mig inn á Hotel Nebo á Istegade og um kvöldið komu Íris og Eyrún til mín. Við fórum út að borða og sóttum síðan Valda og Kristleif á lestarstöðina og þeir gistu með okkur um nóttina í Kaupmannahöfn. Daginn eftir hittum við hina krakkana á lestarstöðinni og við tókum flug heim.

Ég og Íris sætar í Kaupmannahöfn

Nóvember: Árgangurinn fór allur í Tirnumyndatökuna og við skiluðum inn lýsingu á myndunum. Síðasta áttatíogfimm vikan fór af stað og var þetta ball án efa ein besta skemmtun sem ég hef nokkru sinni farið á! Þó svo að ég hafi eytt því öllu með tveimur stelpum sem ég hafði aldrei hitt áður. Missti af diskókeilunni en ég og Valdi fórum á bílabíó á Ghostbusters og ég fór síðan og tók upp hæfileikakeppnina og litli frændi minn lenti í 3.sæti og Kristleifur í 2.sæti. Ekkert smá stolt. Tvenndarleikar ÍTR voru svo haldnir með pompi og prakt og Tónabær (mitt lið) vann íþróttakeppnina og blakið. Einnig vorum við með snilldar hæfileikaatriði að hætti sannra Búkalúa. Ég fór í leiklistarprufu hjá Thalíu og stóð mig bara alveg ágætlega, fékk hlutverk sem hernaðarráðgjafi Svarthöfða. Ég kláraði síðustu haustönnina mína í Menntaskólanum við Sund og við tóku prófin.

Ég og Eyrún sætar í fyrirpartíy fyrir '85 ballið

Desember: Prófin áttu mig fyrri helming þessa mánaðar. Í tilefni af lokum þeirra fór ég í bæinn í afmæli til Gests Svavars frænda hans Valda og svo á smá barrölt með Valda og Jóhanni frænda hans. Ég fór á jólahlaðborð í vinnunni og fékk þar þær ánægjulegu fréttir að borgarstjórinn hafði ákveðið að gefa öllum starfsmönnum frístundaheimila Reykjavíkurborgar 7000 kr gjafabréf í Kringluna vegna mikils vinnuálgas á starfsfólki vegna manneklu í vetur, sem er fyrir utan jólabónusinn, jólagjöfina frá Tónabæ og óvænta gjöf frá skrifstofustjóra tómstundamála Reykjavíkurborgar sem var gjafabréf fyrir tvo í baðstofuna í Laugum. Jólin gengu mjög vel fyrir sig með tilheyrandi gjöfum og yfiráti og ég er nokkuð viss um að ég hafi aldrei sofið jafn mikið á ævinni og það er svo goooooott. Ég elska svefn!

Nú er þessum annál lokið og ég vona að þið hafið haft gaman að. Gleðilegt nýtt ár :)

Jól

2007-12-26T01:00:00.000Z

Gleðileg jól allir og takk kærlega fyrir mig :) Ég er mjög ánægð með þessa hátíð ljóss og friðar og ég hef ábyggilega aldrei borðað jafn mikið magn af mat á ævinni!

Megi gæfa og hamingja fylgja ykkur á árinu sem koma skal.

Kv. Tinna jólastelpa

ÍTR

2007-12-21T07:23:00.000Z

Ég er frístundaleiðbeinandi á frístundaheimilinu Sólbúum og vinn hlutavinnu. Ég hef unnið í samfleytt 13 vikur á árinu eða meira og þar af leiðandi fæ ég jólabónus eftir starfshlutfalli. Svo er venjan að Tónabær gefi starfsfólki sínu jólagjöf. Í fyrra fékk ég til dæmis lítinn konfektkassa. Árið í ár var aðeins öðruvísi en venjulega. Ég fékk minn jólabónus útborgaðan með desemberlaununum og gjöfin frá Tónabæ var heldur veglegri en konfektkassi, en við fengum 2.500 kr.- gjafabréf í Skífuna. Nokkuð gott. En það endar ekki hér. Á jólahlaðborði síðastliðinn mánudag var okkur afhent 7.000 kr.-gjafabréf í Kringluna, en það fengu allir starfsmenn frístundaheimilanna hjá ÍTR. Þetta var einhliða ákvörðun Dags B. Eggertssonar borgarstjóra. Og ekki nóg með það, heldur fékk ég afhent umslag í gær með kærri jólakveðju frá skrifstofustjóra skrifstofu tómstundamála Reykjavíkurborgar og gjafabréfi fyrir tvo í Baðstofuna í World Class í Laugum að verðmæti 7.600 kr.-

Ég er eiginlega orðlaus. Þetta var gert til að klappa á bakið á starfsmönnum frístundaheimilanna vegna þess að í vetur hefur verið mikil mannekla á þeim flestum og þeir starfsmenn sem fyrir eru hafa þess vegna verið undir miklu vinnuálagi. Ég get varla sagt annað en takk fyrir mig :)

RÚV-Hrokinn erfiður sjúkdómur

2007-12-16T13:08:00.000Z

Tekið af Vísi :

Ingvi Hrafn Jónsson sjónvarpsstjóri segir afskriftir skulda RÚV andstyggilegan gerning. Segist sjálfur hafa þjáðst af RÚV-hrokanum, sem hann kallar svo meðan Páll Magnússon sjónvarpsstjóri segir Ingva Hrafni skjöplast þegar kemur að rökhugsuninni.

„Enginn er látinn sæta ábyrgð fyrir þetta sukk. Reginhneyksli. Það er mín persónulega skoðun. RÚV-hrokinn er erfiður sjúkdómur," segir Ingvi Hrafn Jónsson sjónvarpsstjóri á ÍNN, meistari ljósvakans, og sparar sig hvergi venju fremur.

Ingvi er mættur til landsins frá Flórída og það beinlínis hvín í tálknum hans í þættinum Á Hrafnaþingi. Já, og reyndar hvar sem hann fer. Því nú ofbýður Ingva Hrafni. Í útsendingu á mánudag henti hann frá sér í gólfið útprentaðri frétt Vísis þess efnis að á fjárlögum væri gert ráð fyrir því að afskrifa 800 milljónir af skuldum RÚV ohf. Með viðbjóði. Ingvi Hrafn telur þetta makalausan gerning.

„Ég er að reka hér litla sæta sjónvarpsstöð og ströggla við að halda því dæmi gangandi. Svo les maður það að Sjálfstæðisflokkurinn, flokkur einkaframtaksins, heldur áfram að moka almannafé í þessa hít. Fyrirtæki sem hefur undanfarin fimm ár tapað milljón á dag. Menntamálaráðherra er búinn að gera ýmsar dellur en svo eru þær krórónaðar í fjárlögum með að henda óheyrilegum fjármunum í þetta opinbera ríkisfyrirtæki," segir Ingvi Hrafn. Og hann getur trútt um talað. Því hann var fyrir tuttugu árum starfandi sem fréttastjóri á Ríkissjónvarpinu og veit um hvað hann talar. Sjálfur segist Ingvi Hrafn hafa verið haldinn RÚV-hroka og góður með sig í skjóli ríkisins.

„En þetta finnst mér „disgusting". Að sjá þingmenn Sjálfstæðisflokksins og Samfylkingar henda þessum síðustu óráðsíupeningum í RÚV. Blessa sjálftöku fjár í hlutafélag undir stjórn Páls Magnússonar. Mér finnst þetta andstyggilegt. Svo gerir RÚV allt til að klekkja á keppinautum sínum með undirboðum á auglýsingamarkaði og hafa í hótunum við fólk ef það mætir á aðra miðla í viðtöl."

Ingvi Hrafn er flokksbundinn sjálfstæðismaður og það er honum óljúft að játa að þessi gerningur lýsi hentistefnu sem flokkur hans praktiserar.
„Jájá, það má kannski kalla þetta aumingjaskap. Þetta er þvert á allt það sem við frjálshyggjumenn viljum. Maður hefði haldið að Sjálfstæðisflokkurinn vildi losa um þessi heljartök ríksins en mér býður í grun að ótti flokksins við aðaleigendur 365 ráði þarna mestu um."
Páll Magnússon útvarpsstjóri segir, varðandi afskriftir á skuldum RÚV, það alltaf hafa legið við formbreytingu stofnunarinnar í vor að eiginfjárhlutfall hins nýja félags yrði 15 prósent.
„Ekkert nýtt í því og eitthvað skjöplast Ingva Hrafni nú þegar kemur að rökhugsuninni eins og fyrri daginn. Því til þess er einmitt leikurinn gerður að komast fyrir þennan taprekstur. Alltaf hefur legið fyrir að Ríkisútvarpið hefur verið rekið með tapi undanfarin tíu ár eða svo. Á bilinu 150 uppundir 400 milljónir á ári. Hvar á þeim kvarða hefur ráðist mjög af gengisþróun á hverjum tíma."jakob@frettabladid.is

Þetta er jólakveðja Inga Hrafns til RÚV

Klapp klapp klapp herra Ingi. Ég er ánægð með þig.

Ég gæti hreinlega grátið

2007-12-14T10:52:00.000Z

Próflok

Já heyrið nú og hlustið á mig,
mitt hjarta hrópar af fögnuði.
Prófin eru búin og skilja eftir sig
sælu, og ekkert af söknuði!

Höf. Tinna Heimisdóttir, menntaskólastelpa

Prófin eru búin, jólin nálgast, hamingjan hellist yfir mig og í því tilefni ætla ég að dreypa á áfengi annað kvöld. Já, kæru landsmenn, aldrei þessu vant ætlar hún Tinna að leggja sér áfengi til munns, skella sér í eitt stykki afmæli og skemmta sér fram á svarta nótt (maður getur ekki sagt rauða nótt þegar það er svona dimmt úti). Svo kvíði ég engu á næstunni, nema kannski einkunna-afhendingunni sem verður 20.desember. Þá hleypur kannski örlítið stress í mann, en ég hleyp það þá bara af mér :) Mér finnst svo yndislegt að finna fyrir allri þessari bjartsýni núna. Venjulega er ég frekar svartsýn og finnst ekki meika sens að vera bjartsýn, en þegar hún kemur þá er svo gaman :D

Og elskurnar mínar, farið þið varlega í þessu ofsaveðri sem gengur nú yfir. Ég vil fá að njóta hátíðanna með ykkur öllum heilum :)

Kv. Tinnan í góóóóóóóðu skapiiiiii :D

Hálka

2007-12-11T19:33:00.000Z

Til allra þeirra sem málið varðar:

Ég er 19 ára stelpa og á Opel Corsa árgerð 2003. Ég er ekki á nagladekkjum; ég er á heilsársdekkjum. Í dag var mikið slabb og hálka alls staðar á höfuðborgarsvæðinu og ég tók eftir því þegar ég keyrði að heiman úr Árbænum í Borgartúnið. Ég kveikti á spólvörninni áður en ég lagði af stað og passaði mig að halda mig á hámarkshraða og á enn minni hraða þegar umferðin var sem mest. Kringlumýrarbrautin var pökkuð af bílum, líkt og hún er venjulega milli 16°° og 18°°. Nema hvað að ég þurfti nánast að liggja á flautunni allan tímann á fyrrnefndri götu vegna allra hálfvitanna sem aka um! Menn að svína fyrir aðra bíla á fullri ferð í fljúgandi hálku, aðrir ekki að fylgjast með umferðinni fyrir framan sig og snögghemla svo og hætta á fjölmargra bíla árekstur. Og til þeirra sem málið varðar ætla ég að stafa þetta fyrir ykkur: Þ-A-Ð E-R H-Á-L-K-A Ú-T-I !!! A-K-I-Ð V-A-R-L-E-G-A !!! Þeir sem ekki geta það, vinsamlegast haldið ykkur í burtu frá veginum. Ég hef klárlega engan áhuga á því að sjá nokkurn annan deyja í umferðinni.

YouTube

2007-12-06T23:20:00.000Z

Ætli þessi hafi vitað að Thriller með Michael Jackson hafi orðið gríðarlega vinsælt um allan heim á sínum tíma? You gotta love YouTube

Jordy Lemoine

2007-11-30T18:16:00.001Z

Já, hver man ekki eftir honum Jordy sem fangaði hjörtu allra yngstu grunnskólabarnanna og elstu leikskólabarnanna hér á árum áður. Öll könnumst við við lög á borð við "Ooh lala bébé" og "Alison" og jólalaginu "C'est Noel" úr kvikmyndinni "Look who's talking now".

Jordy Lemoine sem er franskur að uppruna er fæddur 14.janúar 1988 og starfaði sem tónlistarmaður á árunum 1992-1996. Hann komst í heimsmetabók Guinnes fyrir að vera yngsti tónlistarmaður í heimi til að vera með lag í 1.sæti á vinsældarlista, en þá var hann einungis fjögurra og hálfs árs gamall. Lagið sem kom honum á kortið var 'Dur dur d'être bébé' (Það er erfitt að vera barn). Lagið var í fimmtán vikur í fyrsta sæti á vinsældarlista í Frakklandi en einnig náði lagi miklum vinsældum í Evrópu, Brasilíu, Bólivíu, Kólumbíu og Japan.

Árið 1994 bannaði franska ríkisstjórnin lög og myndbönd Jordy í útvörpum og sjónvörpum landsins vegna gruns um að foreldrar Jordy væru að notfæra sér frægð hans til eigin hagsmuna. Orðrómar þess efnis styrktust þegar Lemoine-fjölskyldan opnaði La ferme de Jordy eða Býli Jordy, í þeim tilgangi að laða að sér aðsókn ferðamanna og barna þeirra, en stuttu eftir að staðurinn opnaði fór hann á hausinn. Árið 1996 skildu foreldrar hans og hann sneri aftur í skóla. Seinna sótti hann um að vera lýstur sjálfráða fyrir tilsettan aldur og hann fékk það.

Ásamt þessari stuttu grein um Jordy ákvað ég að skella inn myndbandinu við lagið "Alison" sem ég fékk að láni frá YouTube. Einnig getið þið nálgast önnur myndbönd með Jordy á fyrrnefndri heimasíðu.

Heimildir: Wikipedia

Stjörnustríð

2007-11-26T23:34:00.000Z

Þá er búið að ráða í hlutverk í MS leikritið, en það hefur verið ákveðið að setja upp Stjörnustríðs-söngleik úr fyrstu Star Wars myndinni. Ég fer með hlutverk hernaðarráðgjafa Svarthöfða og er í æðsta ráði í heimsveldi keisarans, og fyrir (mig og) þá sem ekki vita neitt um Star Wars myndirnar þá er ég í herliði Svarthöfða og þjóna vonda gæjanum. En ég ætla að horfa á myndina þegar ég er byrjuð í jólafríi, og þá eru þær orðnar ansi margar myndirnar sem ég ætla mér að horfa á. Halldór Gylfason leikstýrir verkinu og hann er búinn að ráða sér aðstoðarmann sem heitir Orri Huginn Ágústsson, betur þekkur sem rödd Skjás Eins. Ég hlakka mjög mikið til að vinna með þessum mönnum, og eitt það skemmtilegasta sem ég veit er að ‘performa’ á sviði fyrir framan fjölda fólks svo að ég er mjög spennt yfir þessu öllu saman.

Þessi hérna er einn af hershöfðingjunum og fyrir aftan hann má sjá Svarthöfða

Sykur

2007-11-23T16:06:00.000Z

Ég er stödd í vinnunni, en ég vinn á Frístundaheimili. 90 börn fengu pizzu og svala klukkan tvö.

Sykurvíman leynir sér ekki. Hjálp!

Jólasveinar

2007-11-22T09:20:00.000Z

Ég hef aldrei getað munað hvaða jólasveinn kemur hvenær, fyrir utan þann fyrsta og þann síðasta. Því ákvað ég bæði fyrir sjálfa mig og lesendur bloggsins míns að 'googla' röð jólasveinanna og setja hér inn. Einnig, ykkur til yndislesturs, eru nöfn þeirra rituð á ensku. Njótið.

1. SHEEP WORRIER - Stekkjarstaur kemur 12.desember
2. GULLY GAWK - Giljagaur kemur 13.desember
3. STUBBY - Stúfur kemur 14.desember
4. SPOON LICKER - Þvörusleikir kemur 15.desember
5. POT LICKER - Pottasleikir kemur 16.desember
6. BOWL LICKER - Askasleikir kemur 17. desember
7. DOOR SLAMMER - Hurðaskellir kemur 18.desember
8. SKYR GLUTTON - Skyrgámur kemur 19.desember
9. SAUSAGE STEALER - Bjúgnakrækir kemur 20.desember
10. WINDOW PEEPER - Gluggagægir kemur 21.desember
11. DOOR SNIFFER - Gáttaþefur kemur 22.desember
12. MEAT HOOK - Ketkrókur kemur 23.desember
13. CANDLE BEGGAR - Kertasníkir kemur 24.desember

PS. Fékk 9,0 í munnlegu spænsku prófi áðan :D

Stress

2007-11-19T19:38:00.000Z

Fór á leiklistarprufu upp í MS áðan. Thalía ætlar að setja upp Stjörnustríðs-söngleik og Halldór Gylfason er búinn að vera í því að stjórna leiklistaræfingum nú í haust og hann verður líka leikstjóri sýningarinnar. Mér gekk alveg furðuvel. Ég var búin að ákveða að syngja eitthvað fyrir manninn fyrst að þetta verður nú einu sinni söngleikur, en eftir að hafa prufað að taka mig upp á tölvuna fannst mér ég hljóma alveg hræðilega og ég hætti við. En þegar inn var komið vildi maðurinn endilega fá mig til að syngja eitthvað fyrir sig og einnig að fara með ljóð fyrir sig. Ég sameinaði nú bara þessi tvö og söng fyrir hann “Sofðu unga ástin mín” og líkaði honum bara rosalega vel. Svo prufaði ég að lesa aðeins fyrir nokkur hlutverk, eins og til dæmis Lilju (Leia), R2D2 og Obi Van Kenobi sem hugsanlega verður kona. En ég ætla nú ekki að spilla þessu of mikið fyrir ykkur, þið verðið bara að koma sjálf og sjá sýninguna í febrúar á næsta ári. Ég er sjálf mjög ánægð með frammistöðuna, og svo fáum við að vita eftir viku hver hreppir hvaða hlutverk. (Vona bara innilega að ég verði ekki ráðin í hlutverk sem tré eða steinn eða eitthvað).

Annars mun ég væntanlega ekki eiga mér neitt félagslíf næstu 25 daga en að þeim loknum lýkur jólaprófunum í MS og verð ég þá laus frá öllum heimalærdómi, prófalestri, fyrirlestragerð, þýðingum, munnlegum prófum og allskonar verkefnum. Stressið er svoleiðis að fara með mig að ég veit hreinlega ekki hvað ég á að gera. En núna ætla ég að halda aðeins áfram með kjörsviðsverkefnið mitt, ég er að þýða fyrstu kaflana úr bók sem heitir “elsewhere” og er eftir Gabrielle Zevin. Hlakka rosalega til að vera búin með þetta.

En ég kveð að sinni. Verið nú góð hvort við annað elskurnar mínar.

Eru jólin á næsta leiti?

2007-11-14T18:38:00.000Z

Ég er nokkuð viss um að kennararnir í MS eru með samsæri í gangi um að leyfa nemendunum ekki að eiga sér félagslíf. Munnleg próf, lesa þessa bók á þessu tungumáli og hina bókina og helst að klára hana í gær, símatspróf, horfa á allskonar kvikmyndir sem eru farnar að renna saman í eitt og samt eigum við að vera löngu byrjuð að lesa fyrir jólaprófin! Úff, ég held bara að það fari að líða yfir mig. Og samt á eftir að gera svo margt fyrir jólin, kaupa og/eða búa til gjafirnar, skrifa jólakortin, gera jólahreingerninguna og svo miklu meira sem ég einfaldlega hef ekki tíma til að skrifa niður! Prófin hjá mér klárast 14.desember og þá vill maður ekki eiga allt eftir þannig að maður verður að vera búinn með allavega eitthvað af jóla-stússinu. Maður þyrfti bara að panta tíma hjá vini okkar Dr.Phil til að leita ráða.

En mig langaði til að skrifa niður myndirnar sem ég ætla að horfa á fyrir eða um jólin, og ykkur er velkomið að vera með og jafnvel koma með fleiri hugmyndir fyrir mig :)

Elf – The Grinch – Miracle on 34th street – Djöflaeyjan – Scrooged – Edward Scissorhands – Bridget Jones’s Diary – Home Alone I&II – The Nightmare Before Christmas – White Christmas ....endilega komið með fleiri hugmyndir af skemmtilegum myndum (þurfa ekki endilega að vera jólamyndir).

Áttatíogfimm

2007-11-09T21:57:00.000Z

Eins og þið kannski sjáið er ég komin með nýja heimasíðu og gamla er því dottin út. Ég ætla að láta reyna á blogspot.com kerfið, ég er ekki mjög hrifin af þessum íslensku.

Ég fór á '85 ballið á Broadway í gærkvöldi. Klárlega skemmtilegasta ball sem ég hef farið á, og ég er ekki frá því að þetta sé skemmtiegasta '85 ball í sögu SMS. Ég má ekki skrifa í sögu MS vegna þess að Már rektor tók það skýrt fram að þetta ball væri ekki á vegum Menntaskólans við Sund, þið getið lesið um það hér.

Kvöldið byrjaði á undirbúningi í Rauðagerðinu þar sem Esther, mamma hans Valda, var svo yndisleg að lána mér sundbol til að vera í. “Outfittið” var sem sagt eins og hér segir:
Kvart-gammósíur, legghlífar, sundbolurinn góði, “Flashdance” bolur, mittisbelti og háir hælar. Eyrún var svo yndisleg að nenna að bylgja á mér hárið og ég málaði mig sjálf með gylltan augnskugga upp að augabrúnum. Svo tæmdum ég og Kristleifur heilan brúsa af glimmerspreyi yfir hárið á okkur og fötin. Við vorum hipp og kúl.

Fyrirpartýið var svo haldið heima hjá Mörtu Silfá í Grafarvoginum og vil ég þakka henni gestrisnina. Svo þegar ég kom á ballið byrjaði ég á því að týna Írisi Björk og var ég þess í stað með vinkonum hennar allt kvöldið, Katrínu og Agnesi. Þó svo að ég hafði aldrei nokkurntíman séð þessar stelpur áður þá skemmti ég mér konunglega með þeim og dansaði eins og ég ætti lífið að leysa. Moonboots og Herbert Guðmundsson voru alls engin vonbrigði og Danni Deluxe, fyrrum MS-ingur, engu að síður. Ballinu lauk svo á slaginu klukkan eitt eftir miðnætti og Valdi kom og sótti mig.

Á leiðinni heim langaði mig svo allt í einu alveg svakalega mikið í hamborgara. Alvöru sveittan hamborgara. Við stoppuðum á Select og mér til mikillar skelfingar komst ég að því að þau selja ekki hamborgara. Meira að segja Sóma-borgararnir voru búnir. Ég þurfti því að láta mér nægja að kaupa mér pulsu.

Ég fór berfætt inn á Select. Ég komst ekki aftur ofan í skóna mína, þeir meiddu mig svo mikið. Meðan ég svo beið eftir pulsunni sá ég að afgreiðslustúlkan tók pulsubrauðið úr pokanum með töng. Ég ákvað þá að deila vinnuháttum konunnar í matsalnum í MS með Valda og sagði honum að hún gæti ekki skipt volgum Trópí í kaldan vegna þess að þá gæti matsölunni verið lokað af heilbrigðiseftirlitinu. En hins vegar sér hún ekkert athugavert við að slá aldrei inn neina upphæð í kassann (er kannski verið að svíkja undan skatti?) og svo notar hún ekki hanska eða töng. Hún treður puttunum sínum inn í bakkelsið og tekur svo á móti smápeningum og treður puttunum svo inn í næstu matvöru. Hún notast ekki við neinskonar gerildeyði eða sápu á milli þess sem að hún snertir smápeningana og matvörurnar. Enda er ég hætt að versla við þessa konu.

Ég ætla svo að enda þessa færslu á viðeigandi hátt. Með mynd af mér frá ’85 ballinu. Kveð ykkur að sinni, Tinna.

Ný síða

2007-11-07T11:55:00.000Z

Þessi síða kemur í stað tinnah.bloggar.is